沪语童谣整理版教学内容
小三资，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边解裤子，拨拉红头阿三看见仔，拖到巡捕行里罚角子。
山浪有只庙，庙里有只缸，缸里有只碗，碗里有只蛋，蛋里有个小和尚，
嗯呀嗯呀要吃绿豆汤。
从前有座山，叫黄昆山；山浪有条路，叫叽哩咕噜；路边有只庙，叫莫名其妙；庙里有只缸，叫四大金刚；身浪有把剑，叫看勿见；来了两个官，一个叫笔套管，一个叫痰盂罐；…… 山浪有只老虎，老虎要吃人，拿伊关辣笼子里。笼子坏脱，老虎逃脱，逃到南京，逃到北京，买包糖精，摆辣水里浸一浸，密西密西拉胡琴。
笃笃笃，卖糖粥三斤蒲桃四斤壳吃侬肉，还侬壳张家老伯伯勒拉伐？勒拉嗨。问侬讨只小花狗。侬来拣一只。汪汪汪！小皮球，香蕉篮，落地开花二十一；两五六，两五七，两八两九三十一；三五六，三五七，三八三九四十一；四五六，四五七，四八四九五十一；五五六，五五七，五八五九陆十一；陆五六，陆五七，陆八陆九七十一；七五六，七五七，七八七九八十一；八五六，八五七，八八八九九十一；九五六，九五七，九八九九一百一。一歇哭，一歇笑，两只眼睛开大炮。一开开到城隍庙，城隍老爷哈哈笑。
赖学精，白相精。书包掼辣屋头顶，看见先生难为情!
叫伊淘淘米，揿脱仔饭箩底；叫伊挽挽水，驳起屁股摸螺蛳；叫伊拔拔葱，登拉田里竖烟囱；叫伊纺纺纱，锭子头上开朵花；叫伊绣绣鞋，好像鸡脚赖；叫伊织织布，布机潭里撤推污；叫伊兜兜火，东家白话西家坐；叫伊捉捉花，偷是隔壁田里瓜。
康铃康铃马来哉，隔壁大姐转来哉。啥个小菜？茭白炒虾，田鸡踏杀。老鸦告状，告拨文王；文王卖布，卖着姐夫；姐夫关门，关着苍蝇；苍蝇扒灰，扒着乌龟，乌龟拆屁，拆得满地。
正月里来踢毽子，二月里来放鹞子，三月里向荠菜子，四月里向落花子，五月端午裹粽子，六月里向拍蚊子，七月棉花结铃子，八月里向吐瓜子，九月里收葵花子，十月里向造房子，十一月里切栗子，十二月里养个小妮子。
汤司令到，机关枪扫，热水瓶爆，癞蛤巴跳。
同志们~~~捉牢伊~~~，投机倒把卖洋山芋。
大家哉是木头人不许讲话不许动！还有一个不许笑! （哦~~动了动了）本来要打千千万万记，现在辰光来勿及，马马虎虎打十记一、二、三、四、五，六、七、八、九、十打了十记还不够还要打三记
弟弟吃力了，眼睛小；眼睛小，要睡觉。妈妈坐在摇篮边，把摇篮摇。盎盎我的小宝宝，安安稳稳睡一觉。今天睡得好，明天起得早，花园里去采葡萄。
摇啊摇，摇到外婆桥，外婆叫我好宝宝。请吃糖，请吃糕，糖啊糕啊莫吃饱。
少吃滋味多，多吃滋味少。摇啊摇，摇到外婆桥，外婆叫我好宝宝，
我叫外婆洋泡泡，外婆骂我小赤佬！从前有个老伯伯，年纪活到八十八，有一天，他乘十八路到八仙桥，买了一碗八宝饭，
掉八千八百八十八块八角八。落雨喽，打烊喽，小八辣子开会喽！金钩钩，银钩钩，囡囡宝宝拉钩钩。请侬伸出小指头，钩啊钩啊钩三钩。
嗳唷哇做啥啦蚊子咬我呀快点上来呀上来做啥啦上来白相呀抬轿子，抬轿子,一抬抬到
城隍庙，“八拉搭”，跌一跤,拣着一只大元宝。金锁、银锁咯嘞嘞嘞一锁，
侬姓啥？我姓黄。啥个黄？草头黄啥个草青——草啥个青碧绿青啥个碧毛——笔啥个毛三——毛啥个山高——山啥个高年——糕啥个年XXXX 年。
好看小姑娘,拉拉小辫子，点点小鼻子，拉拉小耳朵，翘翘小嘴巴，攉攉痒嘻嘻。
小蜘蛛，能吃苦
网子破了自己补
补得快，补得好
苍蝇嗡嗡嗡
飞来就捉捞
蚊子嗡嗡嗡
飞来跑不掉
张家有个小胖子, 自己穿衣穿袜子, 还给妹妹梳辫子。
李家有个小柱子, 天天起来叠被子, 打水扫地擦桌子。王家有个小妮子，找了钉子小锤子，修好课堂小椅子。周家有个小豆子，捡到一只皮夹子，还给后院大婶子。小胖子，小柱子，小妮子，小豆子，她们都是好孩子。
长脚鹭鸶敲洋钉
敲来敲去敲勿进
原来是指螺丝钉排排坐，吃果果
你一只，我一只,还给妹妹吃一只
排排坐，吃果果
幼稚园里朋友多,朋友多，好唱歌哥哥走，我也走，我和哥哥手拉手，手拉手，慢慢走，一走走到马路口。看见红灯停一停，看见绿灯开步走。
地上七块冰，台上七盏灯墙上七只钉，树上七只鹰，天上七粒星。乒——乓，踏碎地上七块冰，扑——扑，吹灭台上七盏灯，吭——嗨，拔去墙上七只钉，呵——嘘，赶走树上七只鹰，一朵乌云遮没天上七粒星。一连念七遍就聪明。
1 像铅笔细长条
2 像小鸭水上飘
3 像耳朵听声音
4 像小旗随风摇
5 像秤砣来卖菜
6 像豆芽咧嘴笑
7 像镰刀割青草
8 像麻花拧一道
9.像勺子能吃饭
0 像鸡蛋做蛋糕
你要啥我要好
啥叫好好宝宝
啥叫宝宝塔山
啥叫山山里有只大老虎
啥叫虎花狸斑
啥叫斑扳落石头上高山
小弟弟小妹妹跑开点敲碎麽玻璃么老价钿
小星星亮晶晶青石板上钉铜钉
小星星亮晶晶伊拉对侬眨眼睛
一只小花狗眼睛骨溜溜坐在门口头想吃肉骨头
二三月，放风筝
放得高，吃块膏
放得低，大家吃点烂污泥
唐僧骑马咚勒咯咚
后面跟着个孙悟空孙悟空，跑得快后面跟着个猪八戒猪八戒，鼻子长后面跟着个沙和尚沙和尚，挑着箩后面来了个老妖婆老妖婆，真正坏骗去唐僧和八戒唐僧八戒真糊涂是人是妖分不清多亏孙悟空眼睛亮眼睛亮，冒金光
高高举起金箍棒
金箍棒有力量
妖魔鬼怪消灭光
椅子竹头做宝宝不坐猫咪坐背背驮啊脚脚跷
妙呜妙呜唱山歌
冬瓜皮西瓜皮小姑娘赤膊老面皮
三字歌
今朝礼拜三，上海来了个小瘪三。着末着件白衬衫，撑末撑顶黑阳伞。拖末拖双木拖板，跑末跑到凤凰山。凤凰山上跌下来，屁股跌得粉粉碎。打只电话三零三，三零三医生猪头三。
白米饭糯米饭农民伯伯种出来
小红今年十八岁参加美国舞蹈队
高跟皮鞋喇叭裤跳起舞来扭屁股
爷爷问伊啥个舞伊讲这是迪斯科
天灵灵地灵灵茅草窠里捉蜻蜓
萤火虫，夜夜红，飞到西，飞到东捉牢侬，做只小灯笼宁波小菜真罪过咸带鱼咯、臭冬瓜I 阿娘、阿爷，吃酿，自家人么冒客气